Еліміз егемендік алғалы бері тарихымыздың, әдебиетіміздің белгісіз болып келген ақтаңдақтары ашылып, ұлтымыздың ұлы тұлғасы Мұх тар Омарханұлы Әуезовтің өмірі мен шығармашылығын тануда жаңа мүмкіндіктер ашылды. Тәуелсіздік кезеңінде суреткердің 50 томдық толық академиялық жинағы (1997-2011), М. Әуезовтің өмірі мен шығармашылық шежіресі, Мұхтар Әуезов энциклопедиясы сияқты іргелі зерттеулер мен көптеген ғылыми еңбектер жарияланды. Жиырма бес жыл шамасында әуезовтану саласы жаңа деңгейге көтерілді. Кітап осы жылдардағы әуезовтанудың даму сипатын танытып, М. Әуезов шығармашылығы туралы жазылған ғылыми монографиялар, ұжымдық жинақтар, шығармашылық өмірбаян, жазушының адами тұлғасына қатысты жарияланымдар жүйелі түрде қарастырылып, әдеби, ғылыми баға беріледі. Ұжымдық еңбек әдебиет зерттеушілеріне, жоғары оқу орында рының студенттеріне, М. Әуезов шығармашылығын тереңдей білгісі келген оқырман қауымға арналған.