Монографияда ХХ ғасырдың қазақ зиялы ортасын қалыптастырған тұлғалардың бірі, белгілі мемлекет және қоғам қайраткері Камал Сейтжанұлы Смайыловтың журналистика, кино өнері мен телевизия салаларына сіңірген еңбегі жан-жақты сөз болды. Ол үрдістердің заманауи тәжірибедегі орны мен рөлі анықталды. Сондай-ақ К. Смайылов шығармашылығындағы ұлттық сипаттағы сана ашықтығы әдіснама тұрғысынан талданды. Заманауи Қазақстан мәдениетінің жаһандану әлеміндегі кино өнері мен телевизиялық шығармашылықтың даму перспективалары белгіленді. Басылым жоғары және арнайы орта оқу орындарында «Журналистика», «Экран өнері», «Кино мен телевизия» мамандықтарына даярланып жатқан студенттер, магистранттар, докторанттар, жас оқытушылар мен осы саланы зерттеуші ғалымдарға арналды.