«Тәуелсіздік идеясы және көркем мәдениет» атты ұжымдықмонографияның төртінші кітабы қазақтың фольклоры мен ежелгі дәуір әдебиетінде, жыраулар поэзиясында, сондай-ақ ХХ ғасыр әдебиетінің кей кезеңдерінде сөз өнерінде көркем тұжырымдалған тәуелсіздік идеясы мәселелерін қарастырады. Кітапта елдік пен тәуелсіздік, бірлік пен мемлекетті сақтау идеялары тұрғысында шежіре, тарихи жыр сынды фольклорлық үлгілердегі әйгілі қазақ батырларының бейнесі, тәуелсіз қазақ хандығы құрылған тұстағы белгілі тұлғалар мен олардың әдеби мұралары, хандық дәуірде ғұмыр кешіп, ел мен жер жайлы толғанған жыраулар шығармашылығы, өткен ғасырдың 20- және 70-90-жылдарындағы қазақ әдебиетінің танымал тұлғалары мен олардың көркем мұрасы жан-жақты сараланады. Кітап әдебиеттанушы ғалымдар мен оқытушыларға, жоғары оқу орындарының студенттері мен магистранттарына, докторанттарға және әдебиет тарихына қызығушылық танытқан көпшілік қауымға арналған.