Аристотельдің б.д.д. 335 жылы жазған «Поэтика» атты теориялық еңбегі әлі күнге дейін қолданысқа ие. Өйткені мұнда драматургияның жанрларын, әдеби шығармаларды талдаудың түп негізі бар. Әлемдік театр өнеріндегі ең алғашқы теориялық еңбек болып табылатын Аристотель «Поэтикасының» орыс тіліне аударылған бірнеше нұсқасы бар. Қолдарыңыздағы қазақ тіліне аударылған кітап В.Г.Аппельроттың аудармасымен, Ф.А.Петровскийдің редакциялауымен 2000 жылы Мәскеу қаласындағы «Лабиринт» баспасынан шыққан нұсқа бойынша тәржімаланды. Кітап әдебиеттану, өнертану, театртану, мәдениеттану салаларының мамандарына, жоғары және арнаулы оқу орындарының студенттеріне, магистранттар мен докторанттарға, жалпы өнер теориясына қызығушылық білдірген қауымға арналады.