«Кинотануға кіріспе» – кинотанушы мамандығын даярлайтын жоғарғы оқу орындарының жалпы білім беру бағларламасындағы негізгі кәсіби білімін тереңдетуге арналған пән. Білім алушылар «Өнертану» білім беру бағдарламасының «Кинотану» бейіні бойынша мамандықтың өзіне тән ерекшелігі әрі бағытымен жан-жақты танысуға мүмкіндік алады. Аталмыш пән кинотанудың тарихы, теориясы және кино сынына кіріспе болып табылады. Сондай-ақ, кинотанудың негізгі салалары, әлеуметтік-қоғамдық рөлі, көркемдік- құрылымдық және шығармашылық-техникалық ерекшеліктерімен таныстырады. «Кинотануға кіріспе» – кинотанушы, кино тарихшысы, кино сыншыларын дайындаудағы теориялық негізгі пән болып табылады. Бұл оқу-әдістемелік құрал кино мамандарын дайындайтын ЖОО-ның және арнайы білім беретін колледждердің оқытушылары мен білім алушыларына арналған.